Танишингиз сизнинг номингизга кредит олишидан эҳтиёт бўлинг.

Ҳозирда онлайн кредит олиш анчагина осон бўлиб қолибди, бунинг учун сизнинг расмингиз ва паспорт маълумотларингиз бўлса етарли экан. Андижон вилояти, Олтинкўл туманилик бир содда инсоннинг номига "Анорбанк" мобил иловаси орқали январ ойида 10 млн сўмдан 5 марта, жами 50 млн сўм 52% ликда кредит олинган. Ўзининг бундан хабари ҳам бўлмаган. Унинг суриштирувларига кўра бу ишни ўзи билан бирга Россияда ишлаган яқин инсони қилган бўлиб чиққан. "Фирибгар" ўзининг уйидаги шахсий телефон рақамига "Анорбанк" иловасидан рўйхатдан ўтган ҳамда олтинкўллик танишининг паспорт ва расмларидан фойдаланиб, унинг номига 50 млн сўм миқдорида кредит олиб, пулларни ўзининг эҳтиёжига ишлатиб юборган. Энди нима бўлишини батафсил кузатиб борамиз. Шунинг учун паспорт маълумотларингиз ва шахсий расмларингизни ҳеч кимга берманг.