Бухорода аввал судланган фирибгарлар ер сотишга уринган вақтда қўлга олинди

Бош прокуратура ҳузуридаги Департамент маълумотига кўра, ҳуқуқни муҳофаза қилувчи органлар томонидан ўтказилган тезкор тадбир давомида фуқаролар А.Ф. ва К.Д. ушланган. Улар Бухоро шаҳридаги “Ўтрор” маҳалласи ҳудудида жойлашган давлат захирасидаги 10 сотих ер майдонини гўё А.Ф.га тегишли деб кўрсатиб, ушбу ерни 37 000 АҚШ доллари эвазига ҳужжатлаштириб беришни ваъда қилган. Тезкор тадбир чоғида А.Ф. 30 100 АҚШ долларини олган вақтда ашёвий далиллар билан ушланган. Ҳодиса юзасидан Жиноят кодексининг 25 ва 168-моддалари (фирибгарлик) ҳамда 28 ва 211-моддалари (пора бериш) асосида жиноят иши қўзғатилиб, ҳозирда тергов ҳаракатлари олиб борилмоқда.