Абитуриент грантни танласа, контрактда ўқий олмайдими?

Танлов устуворлигини танлаш — абитуриентлар учун яратилган энг қулай имкониятлардан бири. Бунда абитуриент билимига қараб аввал грантда ўқиш имкониятлари кўриб чиқилади. Қандай қилиб танлаш мумкин? Абитуриент ОТМга ҳужжат топшираётганда 2 хил усулдан бирини танлаши мумкин: 1️⃣ “Давлат гранти”ни танласа — танлаган барча таълим йўналишларида дастлаб давлат гранти, сўнгра тўлов-контракт асосида; 2️⃣ “Таълим йўналиши”ни танласа — ҳар бир таълим йўналишида давлат гранти ва тўлов-контракт асосида кетма-кет танловда иштирок этади. 📌 Танлов абитуриент танлаган таълим йўналишларининг қатъий кетма-кетлиги бўйича, у танлаган устуворлик асосида амалга оширилади. Қисқа айтганда, абитуриент 1-усулда энг аввал фақат грантга бали етадиган жойларни, 2-усулда эса ҳам грант, ҳам контрактга бали етадиган жойларни танлаган ҳолда талаба бўлиши мумкин. 🔸 Масалан, абитуриент грант устуворлигини танлаган: у Тошкент тиббиёт академиясига контракт, Самарқанд тиббиёт институтига эса грант ўқишга кирди. У грант устуворлигини танлагани учун автоматик равишда Самарқанд тиббиёт институти талабаси бўлади. ❗️ Танлашдан аввал ✔️ @mandat_javobbot орқали қайси олийгоҳда қандай йўналишлар борлиги ва ҳар бирининг ўтган йиллардаги ўтиш баллари билан танишиб чиқишни тавсия қиламиз.